ʼn Man is Dinsdag onherkenbaar vermink in ʼn ongeluk tussen ʼn motor en ʼn vragmotor op die pad na Bethal, ʼn paar kilometer buite Middelburg in Mpumalanga.
“Die man het in die bestuurdersitplek van die motor gesit,” het Chitra Bodasing, woordvoerder van ER24, in ʼn verklaring gesê. “Hy het erge beserings opgedoen en kon slegs deur ʼn paar liggaamskenmerke as ʼn man uitgeken word.”
Die man is op die toneel dood verklaar. Die vragmotorbestuurder het nie beserings opgedoen nie.
Plaaslike owerhede ondersoek die ongeluk.
Verskriklik!! Het die vragmotor ‘n U-Draai gemaak??
Daar is nie ‘n ander manier om daar so hard in ‘n trok vas te ry nie!