ʼn 21-jarigfe man het “wonderbaarlik” oorleef toe sy bakkie 50 m ver van ʼn krans by ʼn uitkykpunt afgetuimel het.
“Die man is gelukkig dat hy slegs geringe beserings opgedoen het,” sê Russel Meiring, woordvoerder van die nooddienste ER24. Sy motor het Donderdagoggend van die uitkykpunt by Safari Gardens in Rustenburg afgetuimel. “Omdat die plek so afgeleë is, het verbygangers hom eers daardie aand om hulp hoor roep,” sê Meiring.
Paramedici het om 21:15 op die toneel aangekom en volgens Meiring kon hulle ook die man hoor roep, maar nie sy voertuig sien nie weens die ruie plantegroei aan die onderkant van die krans. “ʼn Besluit is geneem om die man vanaf die onderkant van die berg te probeer bereik. Teen dié tyd was die brandweer ook op die toneel en hulle, tesame met paramedici van ER24, het deur die bosse probeer sny.”
Die reddingspan kon die bakkie ongeveer ʼn uur later bereik. Die deur van die bakkie is oopgebreek en die pasiënt ondersoek. “Die man het gelukkig net geringe beserings opgedoen en kon, met ʼn bietjie hulp van die reddingspan, self na die ambulans loop.”
Die pasiënt is behandel en na ʼn privaat hospitaal geneem vir verdere behandeling.
Het hy nie ‘n selfoon nie?
Ek is seker as hy sy selfoon by hom gehad sou hy dit gebruik het…! Miskien het hy sy selfoon verloor..
Ja hy het, was 30 meter weg geslinger.
Alweer by ‘n Uitkyk punt????
Sê Ook Maar Net, wát ‘n vraag om te vra! In plaas daarvan dat jy saam met hom dankbaar is dat hy leef!
Trap daai pedaal in die middel!
Dit was maar net nie “sy tyd” nie. Hy is egter baie gelukkig om dit te oorleef.