Man op Balfour-plaas geskiet

[OPVOLG] David Streicher (74) word tans in die waakeenheid van die Netcare Unie-hospitaal behandel. Lees die opvolgberig hier.

Argieffoto

ʼn Man is Vrydagaand glo sonder enige waarskuwing geskiet toe hy by sy huis op ʼn plaas in die Balfour-distrik in Mpumalanga ingestap het.

Kol. Mtsholi Bhembe, woordvoerder van die polisie, het gesê David Streicher is ná die voorval na ʼn hospitaal gehaas. Volgens inligting op sosiale media is David in sy gesig geskiet, maar die polisie kon dit nie onmiddellik bevestig nie. Sy vrou, Lena, is nie beseer nie.

Volgens Bhembe was Lena alleen tuis toe twee aanvallers haar in die huis oorrompel het. “Die verdagtes het haar glo na die woonkamer geneem waar hulle haar aan ʼn stoel vasgebind het. Hulle het geld en vuurwapens van haar geëis. Op daardie oomblik het David by die huis ingestap en is hy sonder enige waarskuwing geskiet,” het hy gesê.

Bhembe het gesê die aanvallers het met selfone, ʼn videokamera en sleutels in David se Nissan-bakkie gevlug. Die bakkie is nog nie teruggevind nie.

Bhembe het gesê ʼn saak van huisroof en poging tot moord word ondersoek. Niemand is nog in hegtenis geneem nie.

Enigiemand met meer inligting oor die voorval word versoek om Stop Misdaad by 08600 10111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Chris Ws

Waar is die beloning van die SAPD vir die opsporing en skuldig bevinding van die’ rowers?Elke plaas aanval se aanvallers moet ‘n prys op hul koppe kry,dan sal plaasaanvalle verminder.
Alle sterkte vir Mev.Streicher en ek wens Mnr.Streicher ‘n spoedige en volkome herstel toe.

David Streicher

My pa is eerste in die huis in. My ma was nog oppad van die voertuig af toe sy die knal hoor en gedink dis ‘n boom se tak wat gebreek het. Toe sy in die huis kom sien sy hom op die vloer lê. Hy het niks gesien. Hy is met iets geslaan en toe geskiet na hy geval het. Hierdie word geklassifiseer as huisbraak. Dis blykbaar nie ‘n plaasaanval
nie…..

Willa

Aai aai, so onnodig. Ons harte bloei, maar ons hande is afgekap. Ons hulpkrete in gebed sal aanhou

PJC

Dit lyk vir my ń mens moet nou al jou eie huis met ń vuurwapen in die hand bekruip as jy wil veilig wees. Dit is ook duidelik dat boervrouens hoogs opgelei en te alle tye bewapen moet wees om veilig te wees. Dit is ń mite dat jy nie geskiet sal word as jy geen teenstand bied nie.

Ander Annie

Baie sterkte aan die Streicher familie. Ek hoop Mnr Streicher herstel spoedig.