Man op kleinhoewe doodgesteek

mes-aanval

Argieffoto

ʼn Man is dood en sy vrou ernstig beseer nadat hulle Saterdagmiddag op ʼn kleinhoewe in die Heidelberg-omgewing in Gauteng aangeval is.

Kapt. Thivhulawi Tshilate, woordvoerder van die polisie, het gesê Boet Smal, in sy 70’s, en sy vrou Esther, vermoedelik in haar 60’s, het gesit en televisie kyk toe hulle omstreeks 17:20 deur twee aanvallers oorval is.

Die kleinhoewe is op die hoek van Flamink- en Kwikstertjiestraat geleë.

Een van die aanvallers het Boet met ʼn mes in sy voorkop gesteek. Esther het glo probeer weghardloop waarna hulle haar in die rug gesteek het.

“Die rowers het die huis geplunder en ook toegang tot die kluis gekry. Hulle het met twee rewolwers en die egpaar se twee selfone op die vlug geslaan,” het Tshilate gesê.

Volgens Tshilate het die bure se tuinier gesien hoe die twee mans van die toneel in die rigting van die Blesbokspruit vlug en hy het sy werkgewer in kennis gestel. Die bure het dadelik gaan ondersoek instel en Boet en Esther in die huis aangetref.

“Mnr. Smal is op die toneel dood verklaar, terwyl sy vrou in ʼn ernstige toestand na die Life Suikerbosrand-hospitaal gehaas is,” het hy gesê.

Lede van die plaaslike gemeenskapspolisiëringsforum (GPF) het dadelik na die twee aanvallers begin soek, maar kon geen teken van hulle vind nie.

Sake van moord, poging tot moord en huisroof word ondersoek. Niemand is nog in hegtenis geneem nie.

Mense met meer inligting word versoek om die Heidelberg-polisiestasie by 016 341 0361 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
White Rhino

Die padda prutpotte waaraan ons moet gewoond raak aldus Ramaposa

Koos de Meyer.

Dit gebeur daagliks. Niks word gedoen nie. Ons betaal belasting vir wat.? Dis mos kamtig nie hoë misdaad prioriteit nie. Dit is sulke snert wat mens woedend maak. Waar gaan ons heen en wanneer gaan dit eindig. Moord op ou mense, verkragtings ook op klein kinders tot oor die 80 jarige
. Oumense, ons land het siek geword, ons sit met skuim van die aarde en niks word gedoen nie.

H.P. Knoepfler

dan kán ons seker die skurke innie rug skiet! Wat is die verskil .?

HPV

Dit is jammer en tragies dat mnr Smal so moes sterf, bid sy vrou volkome herstel toe.

Sou een van die rewolwers egter byderhand was sou die aanval moontlik anders verloop het.

Herman

Sit jou wapen langs jou stoel neer by die huis. Dra dit oral saam. Gaan oefen en gebruik dit gereeld. Binnerkort gaan jy dit wel op ‘n skurk moet gebruik on jou en jou familie te beskerm. Dis net n kwessie van tyd…