Man op kleinhoewe geskiet; verdagte doodgeskiet

plaas-polisie-veld

Argieffoto

ʼn Vermeende aanvaller is dood en ’n 55-jarige man gewond ná hy en sy vrou Dinsdag in die vroeë oggendure op ’n kleinhoewe in Springs aangeval is.

Kapt. Johannes Ramaphora, woordvoerder van die polisie, het gesê die voorval het tussen 01:00 en 02:00 op ʼn kleinhoewe by Ermeloweg in Vischkuil, oorkant Endicott, plaasgevind.

“Daar was drie aanvallers. Hulle het eers die hond vergiftig en toe toegang tot die huis verkry deur ’n deur. Die slagoffers, Org en Martie Landsberg, het wakker geword met die aanvallers langs hul bed. Hulle het die egpaar glo gedreig en goedere geëis,” het Ramaphora gesê.

Die aanvallers het Org geskiet. “Hy het teruggeskiet en twee skote afgevuur. Een verdagte is op die toneel dood,” het Ramaphora gesê.

Volgens hom het die ander twee aanvallers sonder enige buit te voet van die toneel gevlug. “Die vrou is baie getraumatiseerd. Sy het nie gesien dat hulle met iets vlug nie, maar ons ondersoek dit.”

Die polisie is steeds op soek na die twee ander verdagtes.

Org is ná die aanval na ʼn hospitaal gehaas.

Ian Cameron, AfriForum se hoof van gemeenskapsveiligheid, het aan Maroela Media gesê sover hul wete strek, is Org vermoedelik in die been gewond. Maroela Media verneem die aanvaller is glo by die voordeur van die huis geskiet.

Volgens Cameron is daar drie honde op die kleinhoewe vergiftig en nie net een nie.

Sake van poging tot huisroof en poging tot moord word ondersoek. In dié stadium word geen aanklagte teen die slagoffer ondersoek nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Countryboy

Ons is al lankal reeds in n burger oorlog..die intesiteit is net nie hoog genoeg vir die wereld om regrig ag daarop te slaan nie…ons mense is keelvol en het begin om wapens ter hande te neem…vuur met vuur. dis boekom die regerig ons nou ewe skielik wil ontwapen…geskiede is het hul geleer ons is baie goeie skuts…hierdie insidente gebeur daagliks maar wag tot die intesiteit meer toeneem voor die wereld media begin ag slaan…op die stadium gooi Sirie n skadu oor Suid Afrika wat intensiteit betref…een van die dae is Suid Afrika ook wereld nuus soos Sirie…Boerevolk: staan vas… Lees meer »

Sp

Sterkte aan die egpaar met hul traumatiese ondervinding.
Dank die Here jul is veilig.

Jan Cronje

Julle is besig om leuens te verkondig, ek was eerste op die toneel en weet presies wat daar gebeur het…hul intensie was nie roof nie, maar moord, die inbrekers het niks geeis nie, net op Georg geskiet, hy was nog in die bed, toe hy geskiet is, waarna hy terug gevuur het. Ek en my seun het vir Georg en sy vrou te hulp gesnel na hul ons gebel het..en hom dadelik afgevoer hospitaal toe. Die moordenaar wat geskiet is is in Georg se kamer geskiet en het weggehardloop en by die voordeur inmekaar gesak…

piper

transito rowe word gou bespreek. plaasmoorde en aanvalle net verdowende stilte

Nettie

Sterkte aan die Oom en Tannie – mag Oom gou gesond word en Tannie emosioneel herstel. Die arme honde! Mense, leer julle honde om nooit ooit iets te eet wat iemand anders vir hulle gee of wat nie in hul kosbakke is nie. Die misdadigers gee deesdae die honde “Two Step” in – ek weet nie presies wat dit is nie, maar dit is glo verskriklik vinnig en jou hond vrek voor jy nog hom by die veearts kan uitkry.