Man op KZN-plaas aangeval

Argieffoto: Maroela Media

ʼn 65-jarige man is Woensdag op ʼn plaas buite Groutville naby KwaDukuza (Stanger) in KwaZulu-Natal aangerand toe vyf mans hom onverwags in die plaashuis oorval het.

Paul Herbst, woordvoerder van IPSS Medical Rescue, het gesê paramedici is vanoggend na die toneel naby die Jex-landgoed naby Groutville ontbied.

“Daar word beweer dat vyf gewapende mans by die huis in is waarna hulle ʼn vuurwapen op die man gerig het. Hulle was op soek na waardevolle items. Die verdagtes het die man ernstig aangerand voordat hulle met vuurwapens gevlug het,” het Herbst gesê.

Lt.kol. Thulani Zwane, provinsiale polisiewoordvoerder, het die voorval aan Maroela Media bevestig.

Volgens Zwane het die verdagtes in ʼn wit Hyundai-voertuig op die plaas aangekom waarna hulle die plaashuis binnegegaan het en daarop aangedring het dat die man die kluis oopsluit. Die verdagtes het die man ernstig aangerand waarna hulle met drie vuurwapens, kontant en ʼn bankkaart in dié voertuig vort is.

ʼn Saak van huisroof is omstreeks 09:30 by die KwaDukuza-polisiestasie aanhangig gemaak, het Zwane gesê.

Die man is vanoggend in ʼn hospitaal opgeneem.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
VRAMANET

Wat van poging tot moord???????????????

Jannie

Bejaarde man! VYF aanvallers!!! Dapper krygers wat ons Boerseuns met oorlog dreig!!! LOL!

Gert J

POGING TOT MOORD????????????

Anoniem

President Ramaphosa en wat doen Jy daaraan ?

Anoniem

Niks nie !!!!