Man op Magoebaskloof-kleinhoewe oorval

Argieffoto: Lorraine Claasen

ʼn Man, in sy 50’s, is Dinsdag helder oordag op ʼn kleinhoewe in die Magoebaskloof-omgewing in Limpopo oorval.

Marius Müller, nasionale veiligheidskoördineerder van AfriForum, het aan Maroela Media gesê volgens inligting wat tans tot die AfriForum-buurtwag se beskikking is, het drie gewapende mans omstreeks 10:20 op die kleinhoewe toegeslaan.

Die man is in die huis vasgebind en toegesluit en die aanvallers het onder meer met ʼn televisie te voet van die toneel gevlug. Na wat verneem word, is die man nie ernstig beseer nie. Sy vrou was tydens die voorval by die werk.

ʼn Grootskaalse soektog na die verdagtes is van stapel gestuur.

Maroela Media het navraag by die polisie gedoen en wag vir terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Nico

Vandat ek nie meer daardie afgodsding televisie in my huis het nie het die inbrake by my gestop. Ek lees nou uit die Woord na ete of luister na inspirerende preke op Youtube Christelike kanale. Al die vrees en stress weg.

Peet J

Ek verstaan dat die platskerm televisiestelle (binne die skerm) ‘n sekere tipe stof bevat wat deur dwelverslaafdes gebruik word aldus ‘n gesprek met ‘n swartpersoon. Dit mag miskien waar wees sal nie weet nie.

Michael

Wie val die boere so aan is dit chinese,russe ,serwiërs gee vir ons die regte feite sodat ons die probleem kan aanspreek

Vryheid

Gee my krag soveel bog nog nie van tevore gehoor nie. Vasgevang in die wet.

marlene

TV of te not. Hul val jou aan as jy ‘n teiken is. Hul het dalk by informante gehoor jy’t wapens, ‘n kluis (met kontant) ens. TV’s word op pad uit, gebuit.