Man sterf ná aanval op Oos-Kaapse plaas

Argieffoto: Lorraine Claasen

ʼn 51-jarige man is Sondagaand ten aanskoue van sy vrou en seun op ʼn plaas in die Kirkwood-omgewing in die Oos-Kaap vermoor.

Kapt. Gerda Swart, woordvoerder van die polisie, sê die gesin was omstreeks 19:05 tuis toe ʼn onbekende man skielik sy verskyning in die huis gemaak het. Die pa en sy seun het die indringer getakel en oorrompel.

“Dit is toe dat nog twee verdagtes skielik die huis binnegekom en die pa in sy rug begin steek het. Die pa en seun het die eerste verdagte laat gaan en die drie het van die toneel gevlug,” sê Swart.

Die pa is na ʼn plaaslike hospitaal gehaas waar hy aan sy steekwonde beswyk het.

“Dit is nie in dié stadium duidelik of enigiets tydens die voorval gesteel is nie. Die drie verdagtes het glo klapmusse gedra ten tyde van die aanval,” sê Swart.

Sy sê ʼn taakspan wat uit verskeie polisie-eenhede bestaan is op die been gebring om na die aanvallers te soek. Niemand is egter nog in hegtenis geneem nie.

Sake van moord en huisroof is aanhangig gemaak.

Enigiemand met inligting wat die polisie in hul ondersoek kan bystaan, word versoek om ao. Morné van Tonder by 082 441 7738, die SAPD in Kirkwood by 042 230 7600 of Stop Misdaad by 08600 10111 te bel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Stebastiaan

Nog ‘n tragedie wat die oorsaak is van ‘n swak regering. Gelukkig slaap GOD nie, my hart gaan uit na elke boer en familie wat deur so ‘n daad ontwrig word. Sterkte, bid vir julle.

AndreD

Hoe is dit moontlik dat iemand sommer in jou huis verskyn? Dis oop deure en oop vensters met geen diefwering as jy my vra. Sterkte aan hierdie gesin. Baie slegte nuus….

Watnou

Plaasaanvalle het nou “aanval op plaas” geword. Hou hulle nou ander of nuwe statistieke onder daardie opskrif?

IK

Agie, dit gebeur mos net met ander. ‘n Bufferplakker het so gelees: ‘You won’t be the first one BUT you could be the next one’.

jan

KLOMP LAFAARDS SAL ALTYD IN GROEPE VAN TWEE OF MEER WEES .HOOP HULLE WORD GEVANG . STERKTE AAN DIE VROU EN SEUN.