Man op plaas doodgeskiet, vrou gewond

boer-windpomp-plaas-reint-dykema-7.jpg

Foto: Reint Dykema

ʼn Man is Dinsdagaand in ʼn aanval op ʼn plaas by Biesiesvlei naby Sannieshof in Noordwes doodgeskiet en sy vrou ernstig gewond.

Sers. Kelebogile Moleko, woordvoerder van die polisie, het gesê drie aanvallers het die plaashuis tussen 19:30 en 20:00 deur ʼn venster binnegekom. Volgens Moleko het die vrou iets gehoor en gaan ondersoek instel. Sy is twee keer geskiet. Haar man het haar te hulp gesnel en hy is ook in die bors geskiet.

Moleko het gesê die man het op die toneel gesterf. Daar word verneem die man was 59 jaar en sy vrou 57 jaar oud. Volgens Moleko was daar ook ʼn 88-jarige vrou, vermoedelik familie van die egpaar, in die huis ten tyde van die aanval, maar sy is ongedeerd.

Moleko het gesê die drie aanvallers het met selfone en die egpaar se wit Hilux-bakkie gevlug. Marius Müller, nasionale veiligheidskoördineerder van AfriForum, het Dinsdagaand gesê die plaaslike buurtwagte het hulle na die toneel gehaas en paaie afgesper in ʼn poging om die aanvallers vas te trek. Die vrou is na ‘n hospitaal gehaas. Volgens Moleko was die polisie nog teen 23:00 Dinsdag op die toneel.

Moleko het Woensdagoggend gesê niemand is nog in hegtenis geneem nie en die bakkie is ook nog nie opgespoor nie. Sake van moord, poging tot moord en huisroof word ondersoek. Volgens Müller is die bakkie egter intussen in Ottosdal gevind.

Die polisie wou nie onmiddellik die naam van die oorledene bekendmaak nie.

Lees die opvolgberig hier:
Boer voor vrou, ma afgemaai

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

97 Kommentare

jongste oudste gewildste
Kobus

En so word ons steeds stadig maar seker uit gemoor…hul doelwit is om boere van plase te dwing vir hul eie veiligheid en van hul families…makliker om dan grond te gryp en te plak

Juan

Maar nou ja.. kom ons hou aan praat oor die moorde op blankes op die plaase.. en dan lees ons net verder oor dit op die nuus.. waneer gaan daar ordentelike planne in plek gesit word om dit te stop? Ons lees baie van al die “meetings” wat gehou word oor die moorde maar waneer gaan ons begin lees oor die uitkoms daarvan???

Susan

Gelukkig nie die ou tannie gevind nie, anders was die verkrag en gemartel en vermoor.

al

Roof is net ñ bysaak.

Ouvrou

Ek laat my nie vertel hulle breek in en moor om ‘n selfoond te steel nie. Die bakkie was net om weg te kom. Hulle is gestuur deur regering. Hierdie is werkskepping vir hulle. Mens noem dit hit squads