Argieffoto: Netcare 911
Kapt. Nqobile Gwala, woordvoerder van die polisie, het gesê die 35-jarige man is deur ʼn onbekende aantal verdagtes verskeie kere in sy bors geskiet. “Die motief vir die skietery is nog nie bekend nie,” het Gwala gesê.
Chris Botha, woordvoerder van Netcare 911, het gesê paramedici is omstreeks 15:00 na die toneel in Percy Osborne-weg ontbied. “Volgens berigte vanaf die toneel was die man ʼn sjef wat by ʼn plaaslike ouetehuis gewerk het. Hy het glo pas die ouetehuis verlaat en was op pad huis toe, toe die voorval gebeur het,” het Botha gesê.
Gwala kon nie die man se beroep bevestig nie en het gesê sy naam kan eers bekendgemaak word wanneer al sy naasbestaandes in kennis gestel is.
O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.
3 Kommentare
Verbeel ek my of raak dit erg rof in Durban?
Dalk was hy ‘n fluitjieblaser?