Man op wildsplaas deur leeus verskeur

Argieffoto: Marianne Styan

ʼn 46-jarige man is Vrydagaand op ʼn wildsplaas in die Hoedspruit-omgewing in Limpopo verskeur.

Lt.kol. Moatshé Ngoepe, provinsiale polisiewoordvoerder, het gesê die oorledene het glo met ʼn trekker na sy blyplek gery toe die trekker ʼn paar meter voor sy eindbestemming vasgeval het.

“Hy het te voet verder geloop, waarna ʼn trop leeus hom oorval en verskeur het,” het Ngoepe gesê.

“Die helfte van sy liggaam kon teruggekry word toe geweerskote gevuur is wat die leeus verwilder het.”

Die man is op die toneel dood verklaar. Die polisie doen ʼn geregtelike doodondersoek. Die man se naam is nog nie bekend gemaak nie.

Lees ook: [Opvolg] Man op wildsplaas verskeur: Nuwe verwikkelinge

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Jacques Venter

Hoe ry jy met n trekker op n wildsplaas waar daar leeus is?
Het iemand hom opdrag gegee om daar te ry?
Is die oorledene n werker op die plaas of is hy die eienaar?

Deloris

Dis hartseer, maar ek hoop nie hulle maak nou die leeus dood nie…

Boeta

Jou gaan julle seeker die man aankla wat die geweer skote afgeviur het

Alida

Oe nee! Dit is grusaam. Kon sy werkgewer hom nie maar huistoe geneem het nie. Dit is aaklig.

Pastoor

Kan jy so met jou lewe speel. Die loop of ry met nntrekker oppi wildsplaas is mos n grooooottt nono