Man pak boef wat vrou aanval

Duvenage wys hoe hy die verdagte bygekom het. Foto: ANA

Duvenage wys hoe hy die verdagte bygekom het. Foto: ANA

ʼn Vermeende dief het sy moses teëgekom toe hy ʼn huis in Port Elizabeth Woensdag probeer beroof het.

Basil Duvenage (59) en sy vrou, Beverley, het by hul seun in Port Elizabeth gekuier, toe ʼn man ingekom en huishoudelike items begin bymekaar maak het om te steel. Die egpaar het hul seun gehelp om die eiendom gereed te kry om dit te verhuur.

Duvenage, ʼn motorfietsryer van Oos-Londen, was buite toe hy sy vrou hoor skree het. Beverley en die verdagte het intussen in ʼn struweling betrokke geraak.

“Ek het gesien hoe druk hy haar in die gang in.” Volgens Duvenhage het die verdagte reeds ʼn sak vol huishoudelike items bymekaargemaak. Die verdagte het Duvenage met die kop geslaan.

Foto: ANA

Foto: ANA

“Hy het my bolip raakgeslaan en my mond was bietjie bloederig.” Duvenage het die verdagte teen die grond vasgedruk, omdat hy bang was die man is moontlik gewapen. Die polisie en nooddienste is ontbied.

Die verdagte het mank geloop en het gebloei na die struweling met Duvenage, maar het mediese behandeling van die hand gewys voordat hy in hegtenis geneem is.

Volgens Duvenage ly sy vrou aan artritis en het die verdagte haar arms en hande seergemaak, maar sy sal ten volle herstel.

Kapt. Johan Rheeder, woordvoerder van die polisie, het die voorval bevestig en gesê die verdagte sal van huisbraak aangekla word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Kobus

Baie dom van hom om vir almal te demostreer hoe hy te werk gegaan het….verkeerde oe wat daardie foto sien…dan word die rassekaart uitgehaal en die wa voor die perde gespan….

Topster

Ja vandag aan gekla en more uit op borg om weer te steel

Jan Jooste

Basil – goed gedoen! Geluk. Baie bly jy kon jou mense beskerm. Doet so voort.

Baz se nuwe pall

Long live Baz!
Aviva!!!!!!!!!!

Justice

Basil jy lyk goed vir jou ouderdom en kan beslis nog jou man staan – well done!