Man pleeg selfmoord by Pta-hof

Argieffoto: Kent Williamson

Argieffoto: Kent Williamson

ʼn Man het Maandag, by die hof vir gesinsgeweld in Pretoria, selfmoord gepleeg deur glo ʼn klapper in sy mond te druk en dit aan die brand te steek.

Die Tshwane Metropolisie (TMPD) het in ʼn verklaring gesê ooggetuies het die 76-jarige man omstreeks 08:00 in ʼn gang gesien staan. Hulle het gesien hoe hy iets in sy mond sit en het aangeneem dit is ʼn sigaret. Hy het die voorwerp in sy mond aan die brand gesteek en dit het in sy gesig ontplof.

Die man is op die toneel dood. “Daar is later gevind hy het homself met ʼn klapper opgeblaas, maar niemand anders is beseer nie,” het die verklaring gelui.

Die man het glo ʼn saak oor ʼn beskermingsbevel by die hof bygewoon.

Isaac Mahamba, woordvoerder vir die TMPD, het gesê ondersoek word ingestel of daar met die klapper gepeuter is. “Die hof in Visagiestraat is vir die dag gesluit, aangesien die polisie steeds besig is om die toneel as deel van hul ondersoek te fynkam.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Hoekom?

“Going out with a bang.” Wat het hom besiel?

Scalla

Wat se ondersoek moet ingestel word om te kyk of daar met die klapper gepeuter is, hy het dit aan die brand gesteek en so sy eie dood veroorsaak. Nog n werksdag verlore. Niemand het hom gedwing nie aangesien hul gedink het hy wou rook.

Theresa B

…..of daar met die klapper gepeuter is!!?? REGTIG!!!!!

m

liewe hel hoe doen mens so iets aan jouself!!!

Alida

Wat moet nou weer ondersoek word. Getuies het mos gesien hy sit die ding in sy mond en steek dit aan die brand. Maak die toneel skoon sodat die hofverrigtinge kan voortgaan.
Mors mannekrag en tyd met ondersoeke.