Argieffoto.
ʼn Man (43) van Swaneville, naby Krugersdorp, is in hegtenis geneem nadat hy na bewering sy vrou met ʼn hamer aangerand het.
Volgens ao. Solomon Sibiya het die insident Donderdag tydens ʼn argument plaasgevind.
“Die vrou wou iewers heen gaan om te registreer vir ʼn moontlike werksgeleentheid toe die verdagte haar daarvan beskuldig dat sy eintlik by haar ander kêrel gaan kuier,” het hy gesê. “Die verdagte het haar aangeval en met ʼn hamer op die kop en liggaam bygedam.”
Die vrou het oop wonde aan haar kop opgedoen en is later na die hospitaal gehaas.
ʼn Klag van aanranding met die doel om ernstig te beseer is teen die man aanhangig gemaak. Die man word by die Kagiso-polisiestasie aangehou en sal binnekort in die hof verskyn.
– SAPA
