Man se liggaam in Vaalrivier gevind

Argieffoto

Argieffoto

Die liggaam van ʼn man, vermoedelik in sy 30’s, is Maandag in die Vaalrivier naby die Ascot-on-Vaal-brug gevind.

“Paramedici en ʼn soek-en-reddingspan het Sondag reageer nadat ʼn man vermoedelik verdrink het,” het Russel Meiring, woordvoerder van ER24, in ʼn verklaring gesê. “Die span het dadelik ʼn soektog na die man van stapel gestuur, maar die soektog is later afgelas weens swak lig.”

Meiring het gesê die span het Maandagoggend vroeg die soektog hervat en die man se liggaam is gevind. “Die man het geen tekens van lewe getoon nie en is op die toneel dood verklaar.”

Dit is nie duidelik of die man van die brug afgespring of geval het nie. “Plaaslike owerhede stel ondersoek in,” het Meiring bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.