Foto: Netcare 911
ʼn Man se liggaam is Vrydagoggend op ʼn strand by Umhlanga in KwaZulu-Natal gevind.
Kol. Thembeka Mbele, woordvoerder van die polisie, sê verbygangers het omstreeks 06:15 op die liggaam afgekom. Die 36-jarige man het vermoedelik verdrink, hoewel die omstandighede rakende die verdrinking nie bekend is nie.
Shawn Herbst, woordvoerder van Netcare 911, sê paramedici is deur lewensredders na die toneel ontbied kort nadat die man gevind is. Hulle het dadelik die man ondersoek, maar gevind dat hy toe reeds geen tekens van lewe meer getoon het nie.
ʼn Geregtelike doodsondersoek word gedoen.
