Man se lyk op kleinhoewe gevind

Argieffoto: Nico Strydom

Argieffoto: Nico Strydom

ʼn Man se liggaam is Woensdagoggend in sy huis op ʼn kleinhoewe naby Cullinan gevind, nadat hy vermoedelik in die huis doodgeskiet is.

Kapt. Sarah Mcira, woordvoerder van die polisie, het gesê Brand Steyn (40) se liggaam is in sy slaapkamer gevind, met ʼn koeëlwond in sy kop. ʼn Vriend van Steyn het glo bekommerd geraak omdat hy Steyn sedert Dinsdag nie op sy selfoon in die hande kon kry nie. Hy het gaan ondersoek instel en op sy liggaam afgekom.

“Dit is nie duidelik wanneer Steyn vermoor is of wat die motief vir die moord was nie,” het Mcira gesê. “Sover kan ons nie bevestig of enigiets uit die huis vermis word nie. Ons weet ook nie hoeveel verdagtes betrokke was nie. ʼn Vuurwapen waarvan die reeksnommer afgevyl is, is wel op die toneel gevind.”

Mcira kon nie bevestig of Steyn op die kleinhoewe gewerk het nie, maar het gesê hy het alleen gewoon. ʼn Saak van moord word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
michelle

Dit is skrikwekkend hoe baie blankes vermoor word vir selfone of n paar honderd rand.

Gertjie

Of vir niks….

m

Ja wat die skrif is teen die muur. Wittes is die teiken…..

Gesiggie

Moord… moord .. moord elke dag elke uur… dit is skrikwekkend”’ en ons vraag weer…??? gaan dit ooit stop, NEE EK GLO NIE” want dit is te maklik” ons moor en ons kom weg met dit… ek vra altyd, maar ek weet dit sal nie gebeur? VAT WAT JY WIL JOU SKELM… MAAR MOET NIE DIE PERSOON VERMOOR… Al kan hy/sy jou uitken… Sit gaan jy in elk geval, AS JY GEVANG WORD..maar teminste sal jou tyd korter wees vir huisbraak… as vir moord? maar so kan jul nie daaraan dink… want jul wil onslae raak… so onnodig en dit… Lees meer »

lynette

Ek wonder oor die wapen wat gevind is. Die algemene rower steel jou wapen maar los defnitief nie enige wapen agter nie.