Argieffoto
Die polisie in Gauteng is op soek na ʼn man wat Vrydagaand glo sy tannie en niggie in Mofolo-Noord in Soweto doodgeskiet het.
“Die man het hulle vermoedelik tydens ʼn familiestryery geskiet,” het ao Kay Makhubela, woordvoerder van die polisie, gesê. Die man het glo sy niggie konfronteer waarom sy jong kinders in die huis aangerand het. “Hy het haar drie of vier keer geklap voor die tannie ingegryp het.”
Die tannie (54) en haar dogter (16) het na hul motor gestap om die saak by die polisie aan te meld. “Die man het glo sy vuurwapen te voorskyn gebring en hulle doodgeskiet voor hy gevlug het,” het Makhubela gesê. -SAPA
