Man skiet inbreker in slaapkamer dood

Argieffoto

Argieffoto

ʼn Man van Mosselbaai in die Suid-Kaap het Donderdagoggend ʼn rower doodgeskiet wat in die vroeë oggendure by sy huis ingebreek het.

Kapt. Malcolm Pojie, polisiewoordvoerder, het gesê die 44-jarige man en sy vrou het geslaap toe drie verdagtes omstreeks 00:30 by hul kamervenster ingebreek het. Die rowers het die man aangerand en tydens die onderonsie kon die man daarin slaag om sy vuurwapen in die hande te kry.

“Hy het verskeie skote afgevuur en een van die verdagtes gewond,” het Pojie gesê. “Die verdagtes het probeer vlug en hul gewonde medepligtige saamgesleep. Toe hulle egter agterkom hy is dood, het hulle hom gelos en weggehardloop. Die polisie het die verdagte se liggaam op die toneel gevind met verskeie skietwonde.”

Die man het beserings aan sy bene en kop opgedoen. Sy vrou is ongedeerd.

Volgens Pojie word ʼn geregtelike doodsondersoek gedoen en ʼn saak van huisbraak is geopen. Die name van die oorledene sowel as dié van die slagoffers kan nie in hierdie stadium bekendgemaak word nie omdat dit moontlik die ondersoek kan beïnvloed.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
Japie

Jy verdien tien uit tien. Mag meer van ons so opstaan en ons self verdedig.

Emmarentia

Hy verdien n heldedaad medalje want hy het hom en sy vrou beskerm ons moet skiet en nie vrae vrae nie

Landie

Well done!

Riaan

Mooi so,

KarooKlong

Dit is wat ons wil lees. FANTASMAGORIES!