Argieffoto: Nico Strydom
ʼn Man het Woensdag by ʼn regeringsgebou in Humansdorp in die Oos-Kaap ingestap en ʼn werknemer doodgeskiet, voordat hy selfmoord gepleeg het.
Sers. Majola Nkohli, polisiewoordvoerder, het gesê Rudolf Meiring (52) het by die departement van openbare werke se kantoorgebou in Stasiestraat ingestap en die 56-jarige Christian Crouse ʼn paar keer geskiet. Meiring het hierna homself geskiet.
Nkohli het gesê albei mans is op die toneel dood verklaar. Die polisie ondersoek ʼn saak van moord en ʼn geregtelike doodsondersoek is geopen.
Dis sleg , mensdom vol woede, als het seker n oorsaak
Teen wie word die klag van moord ondersoek? Albei mans is oorlede.
Dis net ‘n prosedure om die saak se lêer oop te maak vir die ondersoek en uiteindelike afsluiting. Dieselfde gebeur ook met ‘n saak van roekelose en nalatige bestuur al is almal dood in die ongeluk.
Die man moes die skieter baie kwaad gemaak het om tot so n daad oor te gaan.