Argieffoto: Kent Williamson
ʼn Tragedie het hom Vrydag tussen Ogies en Witbank in Mpumalanga afgespeel toe ʼn man eers sy vriendin geskiet en gewond het waarna hy haar ma doodgeskiet en homself om die lewe gebring het.
Volgens brig. Leonard Hlathi, woordvoerder van die polisie, het daar Vrydagmiddag ʼn woordewisseling tussen twee mans by ʼn mynperseel in Phola by Ogies ontstaan. ʼn 41-jarige man het ʼn vuurwapen uitgepluk en die ander man, 35 jaar oud, probeer skiet, maar kon nie daarin slaag nie.
“Die ouer man is daarna na sy vriendin se werkplek. Hy het haar daar geskiet en gewond.” Die vrou is na ʼn hospitaal gehaas vir dringende mediese behandeling.
Die man het daarna na Hlalanikahle by Vosman naby Emalahleni (Witbank) gery en sy vriendin se ma doodgeskiet.
Volgens Hlathi is die polisie van die voorval in kennis gestel waarna ʼn soektog na die man onmiddellik begin is.
“Die man se voertuig is deur polisiebeamptes gewaar en ʼn hoëspoed-jaagtog het gevolg. Toe die verdagte besef dat hy nie kan wegkom nie, het hy homself geskiet waarna sy motor in ʼn botsing betrokke was. Hy is op die toneel dood verklaar.”
Voorlopige ondersoek toon dat die vuurwapen wat in die voorvalle gebruik is, se reeksnommer afgevyl is.
Lt.genl. Mondli Zuma, provinsiale polisiekommissaris, het die voorval ten sterkste veroordeel.
Dit bewys net weereens die gelisensieerde vuurwapens is nie die probleem nie maar die onwettige wapens in die hande van persone wat onbevoeg en onstabiel is.
Stem 100% saam. Dit sou interessant wees om te sien, van alle moorde met ‘n wapen, hoeveel gedoen was met ‘n gelensieerde wapen, & hoeveel was ongelansieerd gewees.
Ek dink in die een was die skoonma die probleem.
Jy dink kaf. Die moordenaar was die probleem.