Man sterf, 15 beseer in botsing

‘n Man is Maandag dood en 15 mense beseer in ‘n botsing tussen ‘n vragmotor en ‘n minibustaxi in Vereeniging.

Santi Steinmann, woordvoerder van Netcare911, sê die botsing het op die R28 plaasgevind. Sy sê die vragmotor het na die botsing omgeslaan en in vlamme uitgebars.

Steinmann sê die beseerdes is op die toneel behandel voor hulle na nabygeleë hospitale geneem is vir verdere mediese sorg. “Die presiese oorsaak van die ongeluk is nog nie bekend nie en sal deel vorm van die polisie se ondersoek.”