Man sterf by Germiston-meer

Argieffoto: Nico Strydom

Argieffoto: Nico Strydom

Die liggaam van ʼn man in sy 50’s is Maandag by die Germiston-meer aan die Oos-Rand gevind.

Russel Meiring, woordvoerder van ER24, het gesê die man se liggaam het in ʼn gazebo by die meer gehang. ʼn Verbyganger het op die man se liggaam afgekom.

“Paramedici is na die toneel ontbied, maar niks kon vir die man gedoen word nie. Hy is op die toneel dood verklaar,” het Meiring gesê.

Die polisie was op die toneel om ondersoek in te stel. Meer inligting volg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae