Foto: Netcare911
Chris Botha, woordvoerder van Netcare911, sê volgens ooggetuies het die bestuurder van die motor beheer verloor en teen ‘n aankomende vragmotor gebots.
Botha sê daar was wrakstukke oor die hoofweg versprei en dat die insittendes in die wrak vasgekeer was. “Terwyl brandbestryders met meganiese toerusting gespook het om hulle te bevry het paramedici die beseerdes gestabiliseer.”
Botha sê een man is dood terwyl een persoon kritiek en twee ander ernstig beseer is. Die beseerdes is na nabygeleë hospitale geneem vir verdere behandeling.
Die oorsaak van die ongeluk word ondersoek.
