ʼn Man is dood en twee ander mense is beseer nadat drie voertuie Dinsdagaand in Maitland, Kaapstad gebots het.
Chris Botha, ʼn woordvoerder van Netcare 911, het gesê die botsing het omstreeks 19:45 in Voortrekkerstraat plaasgevind.
“Die polisie ondersoek die oorsaak van die ongeluk,” het Botha gesê.
Die man was reeds dood toe paramedici by die toneel opgedaag het. Die twee mense wat beseer is, is op die toneel gestabiliseer en na ʼn nabygeleë hospitaal geneem vir verdere behandeling.