Man sterf in kettingbotsing met twee trokke

Foto: ER24

Foto: ER24

ʼn Man is Dinsdagoggend op slag dood nadat hy by die N12/R24-wisselaar in Bedfordview, Johannesburg, in ʼn vragmotor vasgery het voordat hy van agter deur nog ʼn vragmotor getref is.

Volgens nooddienswerkers op die toneel is die slagoffer se voertuig verfrommel tussen die twee swaarvoertuie.

“Ons vermoed die man het noodlottige beserings tydens die eerste botsing opgedoen, voordat die ander vragmotor hom van agter getref het,” het Russel Meiring, woordvoerder van ER24, gesê.

Die brandweer moes die man se liggaam uit die wrak sny. Die polisie ondersoek die ongeluk. Die man se ouderdom en identiteit is nog nie bekendgemaak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.