Man sterf in ongeluk; bestuurder vlug

Die ongelukstoneel. Foto: ER24

Die ongelukstoneel. Foto: ER24

Een persoon is dood en twee tienermeisies ernstig beseer nadat ʼn voertuig Vrydagaand in Ficksburg in die Vrystaat teen ʼn boom gebots het.

Chitra Bodasing, woordvoerder van ER24, het gesê die ongeluk het omstreeks 22:30 in De Villiersstraat gebeur. Die bestuurder het vermoedelik beheer oor die motor verloor en teen die boom gebots. ʼn Man in sy 20’s wat voor in die motor in die passasiersitplek gesit het, is op die toneel dood verklaar.

Die ongelukstoneel. Foto: ER24

Die ongelukstoneel. Foto: ER24

“Twee meisies, glo onderskeidelik 16 en 18 jaar oud, is tydens die botsing uit die motor geslinger. Albei het kritieke beserings opgedoen en is na ʼn hospitaal gehaas,” het Bodasing gesê. “Die bestuurder is nie op die toneel gevind nie.”

Kapt. Phumelelo Dhlamini, woordvoerder van die polisie, het die voorval aan Maroela Media bevestig en gesê die bestuurder het van die ongelukstoneel gevlug. “ʼn Saak van strafbare manslag word ondersoek. Niemand is nog in hegtenis geneem nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Uiltjie

DRA van sitplekgordels BAIE BELANGRIK!!! dis die verskil tussen lewe en dood in n ongeluk!!

marianne

Ai nee!!! Die kinders is so jonk! Dis so hartseer! My innige simpatie aan almal wat betrokke is se families en vriende. Die ouers verbal is in ons gebede.
Ficksburg se mense ken almal mekaar, dis asof almal op die dorp ‘n kind verloor het.

Joann

Ag so hartseer. Was bestuurder wakker?

Leandrie

Dis vreeslik! Is dit bekende mense in ficksburg?

Leandrie

Ai so harseer is dit bekende mense in ficksburg?