Chris Botha, woordvoerder van Netcare911, sê volgens berigte het die vragmotor in ‘n noordelike rigting gery toe die bestuurder glo beheer verloor het.
Die vragmotor het deur die versperring in die middel van die snelweg gery en met ’n aankomende motor in die teenoorgestelde baan gebots.
Botha sê een man is op die toneel dood verklaar. Nog ‘n man is ernstig beseer en is op die toneel behandel voor hy na ‘n nabygeleë hospitaal geneem is vir verdere mediese sorg.
Die oorsaak van die ongeluk word ondersoek.