ʼn 22-jarige man is Dinsdag dood nadat ʼn grassnyer-trekker glo oor hom gery het op ʼn plaas tussen Vereeniging en Meyerton in Gauteng.
“Die man was reeds dood toe paramedici by die toneel opgedaag het,” het Pieter Rossouw, woordvoerder van ER24, in ʼn verklaring gesê. “Hy het onder andere ʼn skedelfraktuur opgedoen en sy been was ook halfpad geamputeer.”
Die oorsaak van die voorval is nog nie bekend nie. Plaaslike owerhede stel verder ondersoek in.