ʼn Man is Dinsdag in ʼn ontploffing by ʼn fabriek in Tulbagh in die Wes-Kaap oorlede.
“Die 55-jarige man het ʼn ernstige kopbesering opgedoen,” het Russel Meiring, woordvoerder van ER24, in ʼn verklaring gesê.
Die aanleg is in Van der Stelstraat geleë.
Die man was in ʼn kritieke toestand en paramedici het hom dadelik bygestaan. “Hy het egter met sy aankoms by die hospitaal aan sy beserings beswyk,” het Meiring bygevoeg.