Foto: Verskaf
ʼn Man is Dinsdagaand dood en twee mense is beseer nadat twee voertuie in Vereeniging in Gauteng gebots het.
Annine Siddall, woordvoerder van ER24, het gesê die botsing het omstreeks 18:00 op die hoek van Leslie- en Livingstonelaan plaasgevind.
“ʼn Minibustaxi en nog ʼn voertuig het in die aansluiting gebots. Met paramedici se aankoms was die bestuurder van die taxi reeds dood. Daar kon niks vir hom gedoen word nie en hy is op die toneel dood verklaar,” het Siddall gesê.
ʼn Vrou, in haar laat 20’s, het matige beserings opgedoen en is met ʼn ambulans na Mediclinic Vereeniging geneem vir verdere behandeling. ʼn Derde persoon het slegs geringe beserings opgedoen.
Plaaslike owerhede was op die toneel en is besig om die presiese oorsaak van die ongeluk te ondersoek.
Foto: Verskaf
Spoed en verontagsaming van verkeers reëls .
Spoed en verontagsaming van verkeers reëls.
Dis Vereeniging, Taxi’s oorheers die plek en ry soos hul wil, geen wetstoepassing nie. Sit eerder onder die boom en slap.
Phillip, en as dit jou vrou, kind of iemand na aan jou was so jy dan dieselfde gese het???? Daardie persoon wat dood is het ook ‘n familie gehad en mense wat lief is vir hom.
Jy bedoel sekker miljoene ?
Dis seker in 99, 95 % die taxi se skuld. Mark my words!!!