ʼn Man is Vrydag dood nadat hy in ʼn hysbakskag in ʼn winkelkompleks in Pretoria geval het.
Athlenda Mathe, woordvoerder van Netcare 911, het gesê die voorval het omstreeks 12:50 by ʼn winkelsentrum in Madibastraat in die middestad plaasgevind.
Die man, in sy vroeë 20’s, het vermoedelik herstelwerk aan die hysbak verrig toe hy glo vier verdiepings ver geval het.
“Die man was reeds dood toe paramedici by die toneel opgedaag het. Ongelukkig kon daar niks vir hom gedoen word nie en hy is op die toneel dood verklaar,” het sy gesê.
Die polisie doen ʼn geregtelike doodsondersoek.
Ek moes nou al n paar keer in die middestad in weens werk en ek vat altyd trappe want die geboue se huisbakke is vrot. Jy waag jou lewe deur daar in te klim. Geen mantenance word gedoen nie. RIP outjie
Hy was verantwoordelikheid vir herstel van hysbak toe hyself na sy dood geval het
Hy moes die herstelwerk aan hysbak gedoen het, toe hyself na sy dood geval het. Tragies.
Seker die eerste diens vanaf 1994! Dankie DA! Jammer oor die man.
As ek mag vra watse lift matskapy was die voor val van? Ek werk ook met huisbakke.