ʼn 27-jarige man is Donderdagoggend dood nadat hy uit ʼn boom by ʼn aftreeoord in Akasia, Pretoria, geval het.
“Die man was glo omstreeks 08:45 besig om die boom te snoei toe hy geval het,” het Athlenda Mathe, woordvoerder van die polisie, gesê. Die aftreeoord is in Badgerlaan geleë.
“Die man was in ʼn kritieke toestand toe paramedici by die toneel opgedaag het,” het Mathe verduidelik. “Hy is op die toneel gestabiliseer en na ʼn nabygeleë hospitaal geneem. Hy het ongelukkig in die hospitaal aan sy beserings beswyk.”
Nou wat de joos soek hy in boom?
Hul noem dat hy besig was om te snoei. Siestog, dis jammer dat hy dood is.
Probeer ook maar net eerlike dag se werk doen.
Tragedie.
Harnas?
Snoei bome die tyd van die jaar. Met sommige personeel deesdae in hospitale is ek glad nie verbaas nie hy sou dalk n beter kans gehad het as hy onder die boom gebly het.
Joann, DINK voordat jy praat!
Het juis gister n boomsaag -span gesien, waar hulle 6 meter hoog takke saag, niemand het enige harnas of veiligheidstoerusting aangehad nie.
Sou enige van die mense by jou huis bokant grondvlak werk, maak seker dat hulle aan die wetlike vereistes voldoen, JY gaan verantwoordelik gehou word sou iemand seerkry.
Han dis van dink dat ek so praat. Mens met verstand klim nie in boom om te snoei sonder harnas of iets wat jou beskerm nie. Snoei ook nie die tyd van jaar bome nie. Kom by en DINK voor jy praat.
Hierdie man se werkgewer (opdrag gewer) is in groot moeilikheid. 2 Jaar gelede het ‘n vrou in Durbanville haar tuinier haar dak laat verf. Hy het afgeval en is verlam. Die vrou moes R3 miljoen aan hom uitbetaal omdat sy versuim het om hom te beveilig.