Man sterf ná weerlig hom tref

Argieffoto: CorinnaST, Pixabay

ʼn Man is dood nadat weerlig hom Dinsdagmiddag op ʼn gholfbaan in Parys in die Vrystaat getref het.

Russel Meiring, woordvoerder van ER24, het gesê twee mans was besig om op ʼn konstruksieterrein op die gholfbaan te werk toe die voorval plaasgevind het.

“Na wat verneem word, het die mans skuiling gaan soek toe albei deur weerlig getref is,” het Meiring gesê.

“By paramedici se aankoms op die toneel is een van die mans reeds na ʼn omliggende huis geneem. Die man het geen tekens van lewe getoon nie en is op die toneel dood verklaar.”

Meiring het gesê die ander man is ook ondersoek en het nie ernstige beserings opgedoen nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.