ʼn 38-jarige man is dood nadat hy Vrydagmiddag in ʼn stilstaande vragmotor in Kempton Park aan die Oos-Rand vasgery het.
“Die ongeluk het op die hoek van die R21 en Voortrekkerstraat plaasgevind,” het Chris Botha, woordvoerder van Netcare 911, gesê. “Die man was op pad na die OR Tambo Internasionale Lughawe.”
Die man se liggaam was in die wrak vasgekeer en hy is dood voor paramedici en brandbestryders by die toneel opgedaag het.