Man sterf toe bakkie oor krans ry

Argieffoto van Heroldsbaai in die Wes-Kaap (Foto: www.susandeacon.co.za)

Argieffoto van Heroldsbaai in die Wes-Kaap (Foto: www.susandeacon.co.za)

ʼn Man is Saterdag dood toe sy bakkie teen ʼn krans in Heroldsbaai naby George in die Wes-Kaap afgery het.

“Paramedici is omstreeks 10:00 in kennis gestel van ʼn bakkie, ongeveer 40 meter ver onder ʼn krans in Heroldsbaai in die Eden-distrik,” het Robert Daniels, woordvoerder van die Wes-Kaapse departement van gesondheid se nooddienste, gesê. “Die liggaam van ʼn volwasse man is onder die bakkie aangetref. Sy oorskot is met ʼn helikopter verwyder.”

Geen verdere besonderhede is bekend gemaak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

6 Kommentare

jongste oudste gewildste
johann cb

Daar het die afgelope tyd baie sterftes in daardie area voorgekom. Dit lyk vir my na ‘n baie gevaarlike gebied. Miskien kan een van die inwoners kommentaar lewer.

Sarah

Ek dink dat mis ook n groot aandeel het en soos Elize se die pad het baie draaie. Waar die seuns af geval het is egter op die kop as jy van Heroldsbaai se strand af kyk na die suide toe. Ek weet daar is n groot oop stuk grond en baie mense ry daar om te kyk na die ander strand se ligte.

Violet van Jaarsveld

Dit is n grondpad en daar is baie skerp draaie, maar dit is nie gevaarlik as jy stadig ry. Baie mooi uitsig van bo af en baie gewilde visvang plek maar jy moet te alle tye die see dop hou.

Xa

Daar is sover ek weet ook baie verdrinkings in die see, klink na n gevaarlike area.