Man sterf toe bakkie rol

Die bakkie se wrak. Foto: Verskaf

ʼn Man is dood en vier mense beseer toe die bakkie waarin hulle gery het Saterdag in die vroeë oggendure op die M2-snelweg in Durban gebots en gerol het.

Garrith Jamieson, woordvoerder van Rescue Care Paramedics, het gesê die botsing het omstreeks 02:00 op die M4-Suid voor die Old Airport-afrit plaasgevind.

“Die bakkie het teen die betonversperrings langs die pad gebots voor dit verskeie kere gerol het. Die bakkie het op sy wiele tot stilstand gekom,” het Jamieson gesê.

“Die bestuurder het ernstige beserings opgedoen. Paramedici kon niks vir hom doen nie en hy is op die toneel dood verklaar.”

Die vier beseerdes is op die toneel gestabiliseer en na ʼn nabygeleë hospitaal geneem vir verdere behandeling.

Die presiese oorsaak van die ongeluk is onbekend en word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Andre ·

2 uur die oggend in ‘n maatskappy bakkie, verduideliking gaan intressant wees.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.