Man sterf toe hy glo beheer oor voertuig verloor

(Foto: Netcare 911)

ʼn Motoris is Sondagaand dood nadat hy op die M1 in Johannesburg in ʼn ongeluk betrokke was.

Shawn Herbst, woordvoerder van Netcare 911, het gesê paramedici is om 19:57 na die toneel op die M1 naby Corlett‑rylaan in Waverley ontbied.

“Volgens inligting van mense op die toneel het die man beheer oor die voertuig verloor wat tot die ongeluk gelei het. Die bestuurder is deur paramedici ondersoek, maar het geen tekens van lewe meer getoon nie. Hy is op die toneel dood verklaar,” het Herbst gesê.

Geen ander voertuig was by die ongeluk betrokke nie. Teen laat Sondagaand was die oorledene se identiteit nog nie bekend nie.

Die polisie sal die ongeluk ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Arno

Hoekom verloor mens beheer oor jou motor?
Die probleem is ons mense het geen respek vir wetgewing nie……spoed, drank ens. Dit lei tot baie lewensverlies en onskuldige mense sterf, nie altyd net die skuldige nie.

Koos

Baie jammer vir die naasbestaandes.
Die fotos toon nie alle hoeke nie, maar die kar lyk nie te sleg nie, en dit laat my wonder of die bestuurder sy veiligheidsgordel gedra het? Ek het karre in baie slegter toestande gesien waar mense uit geklim het, of uitgesny was. Hulle lewe tedanke aan hulle veiligheidsgordels. En ja in SA speel drank, spoed en verontagsaming van verkeerswette ook ‘n baie groot rol in ons sterftesyfers op die paaie.

Lynette

Ek weet nou nie hoekom het hy beheer verloor nie. Maar ek was een aand op die hoofweg N1, 3 motors het resies gejaag verby my motor toe het een van hulle ‘n ongeluk gemaak, darem was dit net hy en nie onskuldige mense nie. Dit was verskriklik. So ja – spoed en drank.

Neels

Ai die voertuie van vandag is erger as n steeks donkie mens kan hulle net nie in toom hou nie. Waar le die fout met voertuie wat onbeheerbaar is.., is dit n onbekwame bestuurder of is dit n fabrieks fout. My oersoonlike opinie na amper 60 jaar agter n stuurrwiel, swak bestuurs opleiding en moontlike ander by middela

christine

Mense is op jul selfone besig as hul bestuur .