Russel Meiring, woordvoerder van ER24, het gesê met paramedici se aankoms op die toneel in Universiteitsweg naby die M13, het die motor op sy sy gelê met erge skade aan die bestuurderskant van die voertuig.
“’n Man in sy 20’s was in die voertuig vasgekeer en in ʼn kritieke toestand. Nog ʼn man wat glo ʼn passasier in die voertuig was, het langs die voertuig gestaan terwyl omstanders hom gehelp het,” het Meiring gesê.
Paramedici het vinnig gewerk om die bestuurder uit die voertuig te sny en te probeer stabiliseer. Ten spyte van hul pogings het hy egter op die toneel aan sy veelvuldige beserings beswyk.
“Die ander man is ook behandel en na ʼn hospitaal gehaas vir verdere behandeling,” het Meiring gesê. “Die oorsaak van die ongeluk is nog nie bekend nie.”
Hy het die boom getref met die kant van die kar , so lyk dit. Ek is net dankbaar dit was n boom en nie n ander moter met onskuldige mense nie.
Wel as jy sien hoe onverskillig mense bestuur dan verbaas hierdie ongelukke mens glad nie. Jy kan maar net op jou kniee gaan en dankie se as jy veilig by die werk aangekom het en vanmiddag weer by jou huis veilig aangekom het. Verstaan nie dat mense so no care can bestuur nie. Hulle stel hulle eie veiligheid asook ander s’n op die spel.
As mens sien hoe onverskillig mense bestuur dan verbaas ongelukke mens nie.
ja groet mooi as jy die oggend jou huis verlaat en wees verlig en bly en gelukkig as jy by jou huis kom want die lewe kan in n oogknip verby wees
As jy na die kar kyk lyk dit vir my asof spoed beslis ‘n rol gespeel het. Die kar moes teen ‘n hengse spoed die boom getref het.
Dit lyk vir my of die boom teen ‘n hoë spoed in die motor vasgejaag het.
Ek dink die Durban Verkeersafdeling moet so ‘n bietjie nagdiens doen om die onverskillige bome hok te slaan daar is heeltemal te veel van hulle.
Flippie, ek dink jou kommentaar is onsensitief en ongevraagd, wat van as dit jou kind was ???? Sou jy dan nog steeds so ‘n opmerking geplaas het . Sterkte aan die familie van die oorledene.