ʼn Man is dood toe ʼn trekker Woensdag op ʼn pad buite Bethlehem in die Vrystaat omgeslaan en bo-op hom geland het.
Chris Botha, woordvoerder van Netcare 911, het aan Maroela Media gesê die voorval het op ʼn pad naby die N5-snelweg, sowat 10 km buite die dorp, plaasgevind.
“Dit is nog nie duidelik wat daartoe gelei het dat die trekker omgeslaan het nie en die saak word ondersoek,” het Botha gesê.
Botha het gesê die trekker het met sy wiele na bó tot stilstand gekom en die bestuurder, ʼn werker, vasgepen.
“Die man het reeds aan veelvoudige beserings gesterf toe paramedici by die toneel opgedaag het. Daar kon niks vir hom gedoen word nie en hy is op die toneel dood verklaar,” het hy gesê.
Die man se ouderdom kon nie dadelik bevestig word nie. Sy naam word weerhou totdat sy naasbestaandes van sy dood in kennis gestel is.
Die bestuurders word goed opgelei so wat is die plrobleem hier ?
Spoed
Dit was my broer Frans Van de Merwe. Betoon asb respek.
Dankie
Johann
Verskriklik jammer vir jul familie Johann vd Merwe. Sulke onverwagse gebeure is swaar om te verwerk. Sterkte.
En dit is hoekom mens nie nitros op i trekker sit nie.
Dit is ‘n belaglike aanname! Hopelik is jy n tiener anders is daar groot fout met jou! Respek verg niks!