Argieffoto
ʼn 48-jarige man is Maandag dood nadat hy deur ʼn bewegende vullishouer vasgevang is.
Nick Dollman, woordvoerder van Netcare 911, het gesê paramedici is omstreeks 16:10 na die toneel in Ermastraat in Andeon in die weste van Pretoria ontbied.
Omstanders het aan paramedici gesê die man was besig in die vullisgebied toe ʼn vullisverwyderingsvragmotor opgedaag het om die vullishouers leeg te maak. Die man is deur die bewegende vullishouer vasgepen.
“Die man het ernstige beserings opgedoen en het reeds voor paramedici se aankoms op die toneel aan sy beserings beswyk,” het Dollman gesê.
Die polisie sal die voorval ondersoek.
Dit maak nie sin nie… werk die man vir die vullishouer maatskappy… het ‘n lid van die publiek sy eie vullishouer hanteer… het hy afval ge-aas? Hoe kan ‘n man deur ‘n ligte bewegende plastiek vullishouer ‘vasgepen’ en noodlottige beserings opdoen???
Wonder ek ook.