Man sterf toe weerlig hom in Centurion tref

Argieffoto (Foto: CorinnaST, Pixabay)

ʼn Man, vermoedelik 28 jaar oud, is dood nadat hy Dinsdagmiddag in Eldoraigne in Centurion deur weerlig getref is.

“Die man het op ʼn dak gelê toe paramedici omstreeks 16:30 by die toneel opgedaag het,” het Inke van Huyssteen, woordvoerder van ER24, gesê. “Hy het noodlottige beserings opgedoen en is op die toneel dood verklaar.”

Nog ʼn man het geringe beserings opgedoen. Hy het hospitaalbehandeling geweier.

“Die twee mans het vermoedelik op die dak gewerk toe ʼn weerligstraal hulle getref het. Verdere inligting is nie in hierdie stadium bekend nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

anton ·

Ek is so bang vir weerlig ek kan dit nie oor vertel nie.
En dit kom van my kinder dae af al.
Ek vlug as die weerlig begin.

Respek ·

Respek vir weerlig is ‘n goeie ding. Bly weg van hoogtes en onder bome, liefs binnenshuis of jou motor. Ek het 4 honde waarvan 3 al blaffende hardloop en met die donderslae wil baklei. So ook met klappers. Die 4e hond wou net wegkruip maar het ook aangesteek. Nou is daar 4 wat uit die huis storm sodra die eerste sweepslag klap.

Hendrik kirstein ·

Ek het 3 groot kollie honde. 2 jaag die donderweer en klappers. Die 3de een soek eerder skuiling.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.