Man sterf, vrou kritiek ná voertuig rol

Foto: ER24

Foto: ER24

ʼn Man is dood en ʼn vrou kritiek beseer nadat hul voertuig op die R512-pad naby Lanseria in Johannesburg gerol het.

Russel Meiring, ʼn woordvoerder van ER24, het gesê die voertuig het langs die pad op sy dak gelê. Die man was reeds dood en sy liggaam moes uit die wrak gesny word.

“Paramedici moes versigtig te werk gaan om die vrou uit die voertuig uit te kry voor hulle gevorderde behandeling kon toepas. Sy is op die toneel gestabiliseer en met ʼn ambulans na ʼn nabygeleë hospitaal geneem vir verdere behandeling,” het Meiring gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.