Man sterf week ná kleinhoewe-aanval

Argieffoto (Foto: Parentingupstream, Pixabay)

Khato Rangale (44), die man wat in die vroeë oggendure van 22 Julie tydens ʼn aanval op ʼn kleinhoewe naby Lanseria in Gauteng in die kop geskiet is, het aan sy beserings beswyk.

Kapt. Tinyiko Mathebula, woordvoerder van die polisie, het bevestig Rangale is Maandagaand dood.

Die veiligheidsmaatskappy Drift Reaction het gesê Rangale se liggaam het ingegee. “Hy het ook sig in albei se oë verloor en het nooit sy bewussyn herwin nie.”

Maroela Media het vroeër berig die aanval het net voor 01:00 op ʼn kleinhoewe naby die R552 gebeur.

Mathebula het vroeër gesê die Rangale-egpaar het geslaap toe drie aanvallers die venster in die slaapkamer gebreek en geëis het dat Rangale die deur oopmaak. “Toe die man die deur oopmaak, is hy in sy kop geskiet.”

Sy vrou, Julia, is nie tydens die aanval beseer nie. Niemand is nog in verband met die voorval in hegtenis geneem nie. Die polisie ondersoek nou ʼn saak van moord en huisroof.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
NK

Net nóg n moord aangehits deur die regering, en die moordenaars word beskerm deur die ANC en politici. Nog n rasse moord, nog een vir die genocide.

Johann

Dit KAN mos nie eenvoudig so aangaan nie? Dis BEPLANDE ANARGIE… en aangehits en afgeskryf deur gewetenlose magsbehepte politieke vergrypers. Terroris Staat van die ANC en sy EFFers!

leser

“niemand is nog in verband met die voorval in hegtenis geneem nie.
die polisie ondersoek nou ‘n saak van moord en huisroof”
.
wat ‘n afgesaagde deuntjie raak dit nie,
wanneer gaan daar verdagtes in hegtenis geneem word ?

Piet

Nee NK jy’t nie mooi gelees nie, dis nie n rasse moord nie. Die dood van die persoon is egter steeds die ANC se skuld. As Khoto vir die ANC gestem het, dan moet sy familie die uiteinde maar so aanvaar. Wat het hulle dan verwag?

Ella

My innige meegevoel met sy familie. Woorde begin te min raak om te se hoe jy voel hieroor. Dit gebeur te dikwels. Wanneer en wie gaan dit stop?