Man uit boom gered ná ongeluk

Rescue Care-paramedikus Phumlani Jula behandel die pasiënt wat in die boom beland het (Foto: Rescue Care)

Drie mans is Sondagmiddag beseer, waarvan een kritieke beserings opgedoen het, ná ʼn ongeluk op die M7 in die rigting van Durban.

Garrith Jamieson, woordvoerder van Rescue Care, het gesê die ongeluk het omstreeks 14:30 naby die Winston Churchill-afrit plaasgevind.

“Die bestuurder van ʼn bakkie het beheer verloor oor die voertuig en dit het teen ʼn steilte afgerol. Terwyl die bakkie gerol het, is al drie insittendes uit die voertuig geslinger. Die bestuurder het in ʼn boom beland. Hy het matige beserings opgedoen.”

Die Durban-brandweer, bygestaan deur die gemeenskap, en paramedici van Rescue Care het ʼn leer gebruik om by die pasiënt uit te kom voor hy na veiligheid gebring is.

Een passasier het kritieke beserings opgedoen. Hy het in die stadige baan gelê.

“Die drie persone is op die toneel gestabiliseer voor hulle na die Lenmed Ethekweni-hospitaal geneem is vir dringende behandeling.”

Owerhede ondersoek die oorsaak van die ongeluk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Fransie

Of beide.

Nichol

In die boom BELAND of het in die boom GEKLIM? Lyk vir my na GEKLIM!

leser

hyt teen die boom beland en nie geweet watter kant is op of af nie, toe klim hy maar

Kiskar

Klink my nie een van daai 3 insittendes het hul veiligheidsgordel gedra nie. Seker gedink so iets sal noooooit met húlle gebeur nie!?!?

Poppie

Klink vir my of die bestuurder letterlik en figuurlik deur die blare was daarna :-D