ʼn Man, vermoedelik in sy dertigs, is in die hospitaal opgeneem ná hy etlike ure in ʼn graansilo in Winterton in KwaZulu-Natal vasgekeer was.
Paramedici van ER24 het saam met provinsiale nooddienste vroeg Sondagoggend by die toneel opgedaag en die man aangetref waar hy tot by sy bors binne die silo vasgekeer was.
Verskeie mans het in die silo geklim en reeds groot hoeveelhede graan begin verwyder.
Provinsiale dienste het verskeie soorte reddingstoerusting gebruik om ʼn groot gat aan die onderkant van die silo te maak om meer toegang tot die graan te verkry sodat dit verwyder kon word.
Die man is ure later uit die silo bevry.
Hy is op die toneel vir sy beserings behandel en per mediese helikopter na die Mediclinic in Pietermaritzburg geneem.
Die omstandighede rakende die voorval is nog nie bekend nie.
Dankbaar dat hy veilig is,ai kon so anders gewees het.
Wat het dan van die ander geword wat saam hom was ??