ʼn Man in sy 40’s is ernstig beseer toe hy by ʼn afgrond af geval het in Winston Park in Hillcrest net buite Durban.
Ineke van Huyssteen, woordvoerder van ER24, het gesê paramedici het omstreeks 15:30 op die toneel aangekom.
“Paramedici is na die agterkant van ʼn eiendom geneem. Die man het sowat 60 m ver geval.”
Volgens Van Huyssteen het paramedici ʼn wyle geneem om by die man uit te kom waar hy aan die onderkant van die afgrond in ʼn stroompie gelê het. “Die man is ondersoek en daar is bevind hy het ernstige beserings opgedoen.”
Die polisie, soek-en-reddingswerkers en paramedici het vir sowat drie uur gespook om die man na veiligheid te bring waarna hy na ʼn hospitaal gehaas is vir verdere mediese behandeling.
Die presiese omstandighede rondom die voorval word ondersoek.
Arme ou… Dis ver om te val.
Dit is verder om weer terug te klim.
Val of afrol teen ‘n skuins helling? 60 meter, ongeveer 20 verdiepings, is ‘n geweldige val regaf en dit sal ‘n wonderwerk wees as enige mens dit oorleef. Maar in elk geval sterkte vir die man.