Man val na sy dood in Sandton

Argieffoto: Netcare 911

ʼn 41-jarige man is Donderdagmiddag op ʼn bouperseel in Sandton in Johannesburg dood.

Nick Dollman, woordvoerder van Netcare 911, het gesê die man, ʼn konstruksiewerker, het teen 13:30 by ʼn bouperseel in Graystonweg van ʼn hoogte, “verskeie verdiepings” ver, geval.

“Die man het noodlottige beserings opgedoen en is op die toneel dood verklaar,” het Dollman gesê.

Die omstandighede rakende die voorval word ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae