ʼn Man is Dinsdag noodgedwonge na ʼn hospitaal geneem nadat hy uit ʼn helikopter naby Bloemfontein geval het.
Volgens Jaco Kaalsen, paramedikus by Med24/7 in Bloemfontein, was die 46-jarige man besig om wild te tel op ‘n plaas langsaan die bekende Be Human-wildplaas in Glen net buite Bloemfontein, toe hy uit die helikopter geval het.
“Ons het ʼn oproep omstreeks 11:50 ontvang oor ʼn man wat uit ʼn helikopter geval het. Hy het in die veld gelê en het ernstige beserings opgedoen.”
Paramedici het die man op die toneel gestabiliseer en behandel.
Hy is kort daarna met ʼn Halo Aviation- mediese helikopter na die Rosepark-hospitaal in Bloemfontein geneem vir verdere behandeling.
Gewoonlik word wild getel met ‘n Robinson R22 of R44 helikopter. Indien dit R22 was is dit ‘n twee sitplek masjien wat dit onmoontlik maak om ‘n persoon wat moontlik rug- en nekbeserings opgedoen het te vervoer. Die helikopter wat die beseerde afgevoer het is toegerus om dit te doen en verdere skade te verhoed
Jis dis wild hopelik is hy ok.