ʼn Man, wat twee dae lank tussen twee rotse vasgekeer is, is Saterdag in Illembe, KwaZulu-Natal bevry.
“Reddingswerkers maak van spesiale toerusting gebruik om die man te red,” het Santi Steinmann, woordvoerder van Netcare 911, in ʼn verklaring gesê.
Die man, vermoedelik in sy 60’s, het glo al twee dae gelede by die krans in Ndwedwe in Ilembe afgeval en was tussen die rotse vasgekeer. Hulp is eers Saterdag ontbied.
“Die man het ernstige beserings opgedoen,” het Steinmann bygevoeg. “Hy is met ʼn helikopter na ʼn hospitaal geneem.”